Kunchushipe isua kuallip pe; moy wento paro puram montrap. Moy isua kuall kun chipik kon; chi trul kopen ponsrontrap isukun tan.
Inchene srain pe lata isumoncha, ñipe maik misak kontrain chikucha waminchipik kuy kon.
|
Ñuy tur tre isumoncha; kuallip llira kuncha waminchip pe; ñuy tur tre pitru kolik koncha.
No pe si isua kuallipikurcha.
Chukopen llirap uña atrup pe chi trul yell kopen lawa nika atrupik kurcha wento para puram montrap urekpa.
Tren kutri misak osik purampop. Lincha warap amoñip waramik koncha.
Tra mara wap pe chi nikikwan ellmaramik koncha lau, ye, pura, truy pachik piroyupe notro tusr truoy kuatso trul, pipinu, umo trul wamik kontan.
Trek wawape; trau uña atrup pe chi trul kopen misrikwane lata mantrap nika atrumik koncha.
Chi srotrik wan lata srua nika atrumik konchip waminchape: srotrik wan srua atrumikpe atsitik pesrotokolik kontrun chip wamintan.
Chi srotrik wan ko pinishimoto ellkuipe notro tsik umpu wansro osko, osko kopik kon chip waminchip putran kunchipe no manto isup kuallip misak purayaik wan nuy urek wan eshkap wamintan.
|
Pailo kollelo nom maik isuikwam maik purampikwan manto misak kualmamikwan: ik wamintilan kalo kopuno muy kutrimpe: lata osik kollirap waramik kuinkon.
ikwan waminchipik: Dionicia Ussa T.
|